透明度報告
我哋寧願老老實實講清楚係點整出嚟，都唔想誇大。以下係題目點樣製作、你嘅數據點樣處理、同埋邊度有限制。
我哋點樣確保題目質素
- •每一條題目都由 DSE 舊生 + AI 協作編寫，上線前要通過自動檢查。題目未經註冊教師審定。
- •全部都係原創改寫，按 DSE 題型同考核重點撰寫 —— 並非 HKEAA 官方試題，亦無複製任何官方內容。
- •數值／計算題以參數化方式 brute-force 驗算。
- •發現錯誤？話我哋知，我哋會盡快修正。
我哋點樣處理你嘅數據
- •你嘅練習記錄預設只存喺你部裝置嘅瀏覽器（localStorage），我哋伺服器讀唔到。
- •如果你用 Google 登入，純粹係為咗跨裝置同步進度。佢唔解鎖任何嘢 —— 平台對所有人 100% 免費。
- •我哋永遠唔會將用戶數據賣俾任何人。
已知限制（唔會誇大）
- •呢啲係改寫練習題，唔係官方試題。要官方歷屆試題，請去 HKEAA 網站。
- •練習表現估算只根據你喺本站嘅作答計算，唔係考評局成績預測，僅供參考 —— 最終成績以 HKEAA 公布為準。
- •書寫題（短答、長題／結構式）永遠唔會由機器批改。你對住參考答案自己評，而自評結果【唔會計入】準確率同練習表現估算 —— 嗰兩個數字只由選擇題得出。
- •AI 協作或會偶有手民之誤；見到有問題，麻煩話我哋知。
啲題目點嚟
每一條題目上線前都要通過自動閘：術語同書面語檢查、結構同難度比例驗證、以及一個材料唔齊就唔畀過嘅格式閘。呢啲係機器檢查，唔係有人逐題簽名 —— 我哋唔會扮有。
每條題目都有題號，答完之後喺解析底部見到；報錯時引用題號就得。題目紀錄冇逐題記低對照邊一年嘅課綱、幾時最後修訂，所以題目度唔會標示呢兩樣。
而家冇題目標住「待核」。
題庫數字
- 練習中
- 26,633
- 已收起
- 461
- 課題暫緩
- 219
- 等人手判斷
- 13
題庫共編寫咗 27,326 條題目，每條只計一次，所以四個數加埋就係呢個總數。只有「練習中」嘅題目會出畀學生，網站其他地方顯示嘅題數都係呢個數。「課題暫緩」：成個課題暫時唔出題，要逐題對返課程指引先會出。
有 461 條題目已經收起，唔會再出現喺練習入面。收起唔係刪除：題目留喺題庫，每條都記低咗收起日期同原因。其中 425 條都係因為解析用位置講選項（例如「第二項」「最後一項」「第三個選項」）—— 選項每次都會洗牌，呢啲字眼會指錯，留住只會教錯。
最近退回紀錄
每次退回按日期同原因列出，最新嘅排先，附每科條數。唔會列出題目本身。
- · 題目設定唔符合科學事實36 條
化學 36
- · 解析用位置講選項，洗牌之後會指錯425 條
企業、會計與財務概論 171、公民與社會發展 72、經濟 69、化學 46、數學 M1（微積分與統計） 40、中國語文 11、英國語文 8、地理 5、倫理與宗教 2、生物 1
修復進度
- 共收起
- 597
- 已改寫
- 172
- 已重新上線
- 172
- 其中 172 條未經人手覆核
分三次發現，按題號計，冇重複：第一次檢查 176 條、機器生成題庫 135 條、手寫題庫 286 條。由 2026 年 10 月 4 日起，計算題嘅答案同逐個選項嘅解釋由程式重新計出，過咗自動檢查就重新上線，未經人手覆核。文字題嘅解析仍然要經熟悉該科嘅真人覆核，先會重新加入練習池。
手寫題庫嘅位置詞
檢查器喺手寫題庫搵到 537 條解析用咗位置詞。但位置詞唔一定係講選項：例如「數列的第二項」講嘅係題目內容，冇錯。所以我哋逐條分類，而唔係一次過全部收起：
- 講選項
- 286
- 已收起
- 講題目內容
- 238
- 保留
- 未能判斷
- 13
- 暫時收起
未能判斷嘅題目，喺有人睇過之前暫時唔出題。新題一律唔准用位置詞。
發布 Published： · 最後更新 Updated：